ओखलढुंगामा टुक्राटुक्रा पारेको अवस्थामा किशोरको शव फेला

ओखलढुंगा ६ माघ । ओखलढुंगा जिल्लामा एक किशोरको शव फेला परेको छ । जिल्लाको लिखुको गाउपालिकाको नर्मदेश्वर र चम्पादेवी गाउँपालिको रानीवनको सिमानामा पर्ने घ्याङ्ले खोलामा आइतबार बिहान शव फेला परेको हो। लिखु गाउँपालिकाको(३ नर्मदेश्वरवाट ओखलढुंगातर्फ आउने नर्मदेश्वर रानीवन सडक खण्डअन्तर्गत घ्याङ्ले खोलामा पर्ने सडक खण्डबाट करिब १ सय मिटर तल शव फेला परेको स्थानीयवासीहरूले बताएका छन्।
स्थानीयका अनुसार शव अन्दाजी १५–१६ वर्षको किशोरको रहेको र शवको टाउकोमा चोटैचोट भएको कारण चिन्न सकिन अवस्थामा नरहेको स्थानीयले बताएका छन । शवको प्रकृति हेर्दा कसैले धारिलो हतियारको प्रयोग गरेर हत्या गरेको जस्तो देखिन्छ। बाटो हिँड्नेहरुले शव देखेपछि जिल्ला प्रहरी कार्यालय ओखलढुंगालाई खबर गरेका छन।

AKHABAR ONLINE TV