काठमाडौं ७ माघ । सोमबार बसेको राष्ट्रियसभा बैठकले अवरोध गरेपछि बैठक एक हप्ताको लागि स्थगित गरिएको छ । प्रमुख प्रतिपक्षी दल नेपाली कांग्रेसको अवरोधका कारण स्थगित भएको बैठक माघ १४ गते सोमबारसम्मका लागि स्थगित भएको हो।
प्रमुख प्रतिपक्षी दल नेपाली कांग्रेसले जिपी कोइराला श्वासप्रश्वास केन्द्र, तनहुँ र सुशील कोइराला प्रखर क्यान्सर अस्पताल, बाँकेलाई संघीय सरकार मातहत ल्याउन माग गर्दै संसद अवरुद्ध गरेको थियो। राष्ट्रियसभाको दोस्रो बैठकमा पनि अवरोध गरिएकाले अध्यक्ष तिमिल्सिनाले बैठक स्थगित गरेका हुन्।
