जापानले माग्यो नेपालसंग रोजगार अवधारणा पत्र, प्राविधिक टोली माघ २ मा नेपाल आउँदै - Akhabaronline
समाचार

जापानले माग्यो नेपालसंग रोजगार अवधारणा पत्र, प्राविधिक टोली माघ २ मा नेपाल आउँदै

काठमाडौं १९ पुस । रोजगारीका लागि नेपाली युवा लैजाने सम्बन्धमा जापान सरकारले नेपाल सरकारलाई आधिकारिक अवधारणा बनाउन अनुरोध गरेको छ। जापान सरकारले नेपाली कामदार लैजाने सम्बन्धमा गरेको निर्णयसँगै सोमबार श्रम, रोजगार तथा सामाजिक सुरक्षा मन्त्रालयसँग अवधारणा माग गरेको हो। नेपालबाट के कस्ता कामदार माग गर्ने भन्ने सम्बन्धमा नेपाललाई अवधारणा बनाउन जापानले अनुरोध गरेको श्रम सचिव महेशप्रसाद दाहालले बताएको आजको कारोबार दैनिकमा खबर छ। ‘
जापान सरकारले नेपालबाट कामदार लैजाने सम्बन्धमा आएका समचारलाईआत्मसात गरेर नेपालबाट कामदार लिने सम्बन्धमा इच्छुक रहेको जनाउँदै अवधारणा पठाएको छ।’ सचिव दाहालले भने। ‘जापान सरकारबाट आएका अवधारणाका बारेमा मन्त्रालयले अध्धयन गर्दै छ।’ यस सम्बन्धमा छलफल गर्न जापानी प्रतिनिधि माग २ गते नेपाल आउदैछन्। नेपाल सरकारले कम्तिमा ३० हजार नेपाली युवालाई रोजगारी दिन जापानलाई अनुरोध गर्ने तयारी गरेको छ। जापान सरकारले आफ्नो पछिल्लो निर्णय अनुसार नेपाललाई औपचारिक रुपमै अवधारणा समेटेर ड्राफ्ट पठाएको हो।

Related Articles

Back to top button