काठमाडौं २९ पुस । नेप्लीज फेसन होमले आयोजना गरेको ‘मिस लिटिल नेवाः ११३९’ उपाधि सनिशा लगेजुले जितेकी छिन् । प्रतियोगिताको ग्राण्ड फिनालेमा लगेजुले उपाधिसहित नगद राशी तथा विभिन्न उपहारहरु प्राप्त गरेकी छन ।
प्रतियोगितामा २४ जना बालिकाहरुले सहभागिता थियो । २४ जना मध्ये लुस्वाँ मानन्धरले फस्ट रनर्स अपका साथमा मिस सोसल एम्बेसडर प्रमुख, सेलिना प्रजापतिले सेकेण्ड रनर्स अप तथा अन्वेषा कर्माचार्यले थर्ड रनर्स अपको उपाधि जित्न सफल भए । प्रतियोगितामा पलिस्ता नापितले फोर्थ रनर्स अपको उपाधिमा चित्त बुझाइन् । पस्तिाले मिस फ्रेण्डशीपको टाइटल एवार्ड पनि जितिन् ।
प्रतियोगितामा बियंका खड्का ताम्राकारले मिस ट्यालेन्ट, युशिका अमात्यले मिस पर्सनालिटी, रेवती महर्जनले मिस कल्चर, जेनिशा बज्रँचार्य र दृष्टि श्रेष्ठले बेस्ट हेयर, हिमानी प्रधानले मिस इनोसेन्ट, सफलता श्रेष्ठले बेस्ट नेपाल भाषा, उन्नती प्रधानले मिस फ्रेण्डशीप, कृपा स्वङ्निखा र बिनिभा सुवालले मिस फोटोजेनिक, लुस्वाँ मानन्धरले मिस सोसल एम्बेसडर प्रमुख, अन्वेषा कर्माचार्यले मिस सोसल एम्बेसडर प्रमुख, रिया श्रेष्ठले मिस चार्मिङ, रेहा रञ्जितले मिस डिसिप्लिन, अदिति विरबलले बेस्ट स्माइल तथा अनुष्का श्रेष्ठले मिस क्यूट तथा बेस्ट स्किनको उपाधि जित्न सफल भए ।
पूर्व मन्त्री गोपालमान श्रेष्ठ प्रमुख आतिथ्यमा सम्पन्न प्रतियोगितामा उद्योगी प्रदिपमान प्रधान, मिस नेवाः एञ्जल श्रेष्ठ, कराँते खेल विज्ञ सिहान अशोककुमार श्रेष्ठ, नमूना फेसन कलेजका जिबेश्वरलाल श्रेष्ठ तथा संगीतकार जुगल डंगोल निर्णायकको रुपमा रहेका थिए ।
