इन्दिरा भट्टराइको मितिनीलाई नचाउने तीज गीतको भिडियो सार्वजनिक (भिडियो सहित)

मनोरञ्जन मनोरञ्जन अन्तर्वार्ता मनोरञ्जन समाचार

गायिका इन्दिरा भट्टराइको तीज गीत नाचौँ मितिनी विमोचन गरिएको छ । विहिबार राजधानीमा पत्रकार सम्मेलनको आयोजना गरी गीतको विमोचन गरिएको हो । बरिष्ठ गीतकार तथा कवि दिनेश अधिकारीको प्रमुख आतिथ्यतामा उद्योग बाणिज्य तथा आपूर्ती मन्त्रालयका उपसचिव जनार्दन बडाल, संगीतकार सन्तोष श्रेष्ठ, रंग पत्रकार शान्ति प्रिया, फिल्मी पत्रकार संघकी उपाध्यक्ष गीता अधिकारी, गायक सिताराम पोखरेल, गायक राज सागर, निर्माता निर्देशक माधव खरेल, प्यासेन नेपालकी सिइओ ममता बस्नेत लगायत विभिन्न सांगीतिक क्षेत्रका ब्यक्ति तथा विभिन्न सञ्चारकर्मीहरुको उल्लेखनीय सहभागीता रहेको थियो । कार्यक्रमलाई सम्बोधन गर्दै दिनेश अधिकारीले आफुले लेखेको गीतले सार्थकता पाएको उल्लेख गरे । गीतमा मौलिकता झल्किएको उल्लेख गर्दै पछिल्लो सयम बजारमा आएका कतिपय गीतहरुमा मौलिकता हराएको बताए । त्यसैगरी कार्यक्रममा बोल्दै संगीतकार सन्तोष श्रेष्ठले कतिपय तीज गीत नाममात्रका तीज गीत भएको उल्लेख गर्दै गायिका इन्दिरा भट्टराइको गीत ‘नाचौ मितिती’ बोलको गीतमा तीजका मौलिक शब्द देखि भिडियोमा समेत मौलिकपन झल्किएको बताए । त्यसैगरी उद्योग बाणिज्य तथा आपूर्ती मन्त्रालयका उपसचिव जनार्दन बडालले तीजको विशेषतामाथि प्रष्ट पार्दै गीत राम्रो बनेको बताए । उपसचिव बडालले गीत समग्रमा राम्रो बनेको र गीतमा समावेश गरिएका शब्द, भिडियो निर्देशन तथा गायनमा मौलिकतापन झल्किएको बताए । कार्यक्रमलाइ सम्बोधन गर्दै रंग पत्रकार शान्ति प्रियाले विकृतिमुलक गीत नभएको उल्लेख गरे । गीतमा समाबेश गरिएको मौलिक शब्दहरुको तारिफ गर्दै तीजको माहोलमा यस गीतले छुट्टै पहिचान दिनेमा आफु विश्वस्त रहेको उल्लेख गरे । गायिका इन्दिरा भट्टराइको स्वरमा सजिएको तीज गीत ‘नाचौ मितिनी’ बोलको गीतमा बरिष्ठ गीतकार तथा कवि दिनेश अधिकारीको शब्द रहेको छ । त्यसैगरी सन्तोष श्रेष्ठको संगीत रहेको यस गीतलाई सुदिप सागरले एरेन्ज गरेका हुन । इन्दिराज म्युजिक इन्टरटेमेन्टको प्रस्तुती रहेको तीज गीत नाचौ मितिनीको म्युजिक भिडियोमा चर्चित मोडल सम्झना बुढाथोकी र नितु कोइरालालाई फिचरिङ गरिएको छ । सम्झना बुढाथोकीको निर्देशनमा तयार गरिएको गीतको भिडियोलाई भागीरथ गाहाले छायाँकन गरेका हुन । लामो समयदेखि साङगीत क्षेत्रमा अनवरत रुपमा लागि पर्दै आएकी गायिका इन्दिरा भट्टराईले दर्जनौ गीतहरु गाइसकेकी छन । गायिका भट्टराइका गीतहरुमा विशेषगरी मौलिकपन झल्किने गरेका छन । जसका कारण गायिका भट्टराईका गीतहरु लोकप्रिय बन्दै गएका छन । कार्यक्रममा बोल्दै गायिका भट्टराइले आफु धेरै अगाडिदेखि साङगीतिक क्षेत्रमा लागेपनि बिचको समयमा आफु सामाजिक काम तर्पm लागेको र पुन आफु साङगीतिक क्षेत्रमा आएको उल्लेख गरिन । गायिका भट्टराइले कार्यक्रममा सहभागीहरुलाई धन्यवाद दिदै गीत हेरेर कमेन्टमा सुझाव गर्न सबैलाई आग्रह गरिन ।

 

 

Loading...