रुस समर्थक पृथक्तावादी नियन्त्रित सहर डोनेट्स्कमा विस्फोट हुदा १३ जनाको मृत्यु - Akhabaronline
अन्तर्राष्ट्रिय

रुस समर्थक पृथक्तावादी नियन्त्रित सहर डोनेट्स्कमा विस्फोट हुदा १३ जनाको मृत्यु

काठमाडौ । पूर्वी युक्रेनको पृथक्तावादी नियन्त्रित सहर डोनेट्स्कमा भएका शृङ्खलाबद्ध विस्फोटनमा परी १३ जनाको मृत्यु भएको र अन्य घाइते भएको उक्त सहरका रुस समर्थित मेयरले बताएका छन्।

अलेक्सी कुलेम्जिनले ‘दण्डित गर्ने खालको ‚ गोलाबारीुका कारण ती मानिसहरूको मृत्यु भएको आरोप लगाए। उक्त घटनाबारे युक्रेनी अधिकारीले कुनै टिप्पणी गरेका छैनन्।

डोनेट्स्कलाई सन् २०१४ देखि रुसको प्रतिनिधत्व गर्ने अधिकारीहरूले नियन्त्रणमा राखेका छन्।

उनीहरूले बारम्बार युक्रेनी सेनाले उक्त सहरलाई निसाना बनाएको आरोप लगाएका छन्।

पूर्व युक्रेनको पृथकतावादी नियन्त्रित क्षेत्रका घटनाहरूको स्वतन्त्र रूपमा पुष्टि हुन कठिन छ।

यद्यपि स्थानीय अधिकारीले सहरको पश्चिममा रहेको एउटा गाउँबाट डोनेट्स्कको कुभिशेभ्स्की जिल्लामा नौवटा १५० एमएमका गोलाबारी गरिएको बताएका छन्।

Related Articles

Back to top button